Бензините поевтинуваат за 7, дизелот за 5,5 денари
Од 10 ноември, максималната цена на Еуросупер БС-95 ќе изнесува 86 денари, на БС-98 – 88 денари, а на дизелот 94,50 денари за литар.
Од полноќ бензините ЕУРОСУПЕР БС-95 и БС-98 поевтинуваат за 7 денари за литар, а дизелот за 5,5 денари, одлучи Регулаторната комисија за енергетика. Малопродажните цени на нафтените деривати во просек се намалуваат за 7,51 отсто.
Од 10 ноември, максималната цена на Еуросупер БС-95 ќе изнесува 86 денари, на БС-98 – 88 денари, а на дизелот 94,50 денари за литар.
За 6,50 денари поевтинува и екстра лесното масло за домаќинство, чија нова цена ќе биде 103,50 денари за литар. Мазутот се намалува за 6,261 денар и ќе чини 49,312 денари за килограм.
Како причина за намалувањето, РКЕ го посочува падот на референтните цени на нафтените деривати на светскиот пазар.