УХМР: Утре силен јужен ветер со брзина над 80 километри на час, температурите над просекот

Силен јужен ветер и натпросечно високи температури се очекуваат утре во земјава. Под влијание на јужно воздушно струење, ветерот на места ќе достигнува брзина од над 80 километри на час, соопшти Управата за хидрометеоролошки работи.

Времето ќе биде со температури значително над просекот за овој период од годината.

Во Скопје ќе дува умерен до засилен јужен ветер, а и во главниот град температурите ќе бидат повисоки од вообичаените за средината на ноември.