Грчка европратеничка за Македонија

Грчката европратеничка Марија Елени Копа не верува дека повторното недобивање датум за преговори за членство ќе предизвика „свртување на Македонија од Европската унија“ , зашто земјата е тесно поврзана со Унијата. Грчката европратеничка Марија Елени Копа, која во Европскиот парламент беше известувач за стратегијата за проширување на Европската унија, фактот дека на декемврискиот самит на ЕУ не ѝ беше доделен датум за почеток на преговорите на Македонија го објаснува со предизборниот период во кој се наоѓаат европските институции. „Се надевам дека 2014 година нема да биде „мртов период“ и дека сепак ќе биде направен чекор напред“, вели Копа во интервју за Дојче веле. На прашањето на германскиот медиум,  зошто Грција е толку непопустлива и не и дозволува на Македонија да ги почне преговорите за членство во ЕУ, таа одговори: „Тоа е поради прашањето за името . Ние сакаме јасна позиција и само потоа ќе бидеме подготвени да дискутираме“.