Министерот Попоски во посета на Црна Гора

Шефот на дипломатијата Никола Попоски е во официјална посета на Црна Гора. Ќе има средба со министерот за надворешни работи Лукшиќ, и со целиот државен врв.

Разговори што ќе дадат дополнителен импулс за развивањето на соработката во стопанството и економијата, покрај одличните билатерални односи, се вели во соопштението од Кабинетот.

Попоски ќе одржи и предавање на тема „Европските интеграции на РМ и Западен Балкан“, на Правниот факултет при Црногорскиот државен универзитет.