Џеф Безос откри детали од изборот на Роберт Патинсон за новиот Џејмс Бонд
Основачот на „Амазон“, Џеф Безос, бил директно вклучен во процесот на избор на новиот Џејмс Бонд. По пробните снимања со пет финалисти, Роберт Патинсон се издвоил како најсоодветен за улогата, иако првично имало резерви поради неговата голема популарност.
Основачот на „Амазон“ и еден од најбогатите луѓе во светот, Џеф Безос, откри детали од процесот на избор на Роберт Патинсон за новиот Џејмс Бонд. Тој потврди дека бил активно вклучен во одлуката и дека изборот бил направен по серија пробни снимања со пет финалисти.
„Бев многу вклучен во процесот. Спроведовме многу ригорозна постапка и конечната одлука ја донесовме во петокот“, изјави Безос.
Според него, првично имало голем број кандидати, но изборот постепено бил стеснет на петмина, со кои биле реализирани пробни снимања во целосни костими, на филмски сетови и со други актери. Секој од финалистите снимил по три различни сцени.
Безос посочи дека сите кандидати биле исклучително талентирани, но Патинсон оставил посебен впечаток врз членовите на тимот, вклучително и врз режисерот Денис Вилнев.
Интересно е што на почетокот имало одредени резерви околу неговиот избор, бидејќи актерот веќе е светски познат. Тимот размислувал за ангажирање помалку познато име, но пробните снимања ги отстраниле дилемите.
„По снимањата беше сосема очигледно: тој е Џејмс Бонд“, изјави Безос.
Патинсон, познат по улогите во „Самрак“ и „Бетмен“, ќе го преземе ликот на британскиот таен агент во новото продолжение на филмската франшиза.
