Граѓаните да не чекаат 5 до 12: Понеделник истекува рокот за поднесување барања за отпис на долгови

За шест дена истекува рокот за поднесување барања за отпис на долгови. Надлежните со апел до граѓаните, кои ги исполнуваат критериумите, да не чекаат 5 до 12, за да се избегне  метежот на шалтерите.  

Досега се поднесени околу 34 илјади апликации, инфомираа денеска вицепремиерот и министер за финансии Зоран Ставрески и министерот за труд и социјална политика Диме Спасов. Најголем дел 11.000 се во Скопје, во Куманово има 4.500, а следуваат Прилеп, Тетово, Гостивар и Струмица со поднесени меѓу 1.600 и 2.600 барања.

„Апелирам граѓаните да не го чекаат последниот ден кога ќе има гужви и нервози, туку да дојдат уште денеска и да поднесат барање“, порача министерот Ставрески.

Потеницра дека поднесените барања потврдуваат оти мерката е добро дизајнирана и насочена кон ранливите категории на кои ќе им се отпишат долговите и ќе им се помогне да се опорават.

Комисиите ги разгледуваат поднесените барања, а целиот процес се очекува да заврши во ноември.