Тодоров: Тестирањето во високото образование е механизам за ист квалитет на знаење
Целта е да се обезбеди квалитетен филтер во високото образование преку полагањето испит. Нацрт-верзијата ќе биде ставена на јавна дебата и сите заинтересирани ќе можат да се вклучат во расправата за да се добие квалитетно решение...
Студентите кои годинава се запишаа на медицинските факултети на крајот на втората и на четвртата година ќе полагаат државен испит. Законот донесен пред две години стапи во сила. Тестирање во високото образование е механизам за ист квалитет на знаење, смета министерот за здравство Тодоров.
„Ова е многу значајно, бидејќи државата мора да гарантира дека секој завршен студент, без оглед дали завршил во Скопје, Тетово или Штип, ќе има идентично ниво на занење и вештини и ниту еден граѓанин нема да биде загрозен ниту да се двоуми дали да добие здравствен услуга“, вели Никола Тодоров, министер за здравство.
Според Тодоров, медицината не е исклучок. Концептот за полагање државен испит во втора и во четврта година од студирањето се разработува. Се анализираат искуствата од неколку европски држави, меѓу кои Чешка и Данска, чии концепти се слични и имаат искуство во ваквиот тип полагање. Целта е да се обезбеди квалитетен филтер во високото образование преку полагањето испит. Нацрт-верзијата ќе биде ставена на јавна дебата и сите заинтересирани ќе можат да се вклучат во расправата за да се добие квалитетно решение.
Наташа Јанчиќ