Мала е веројатноста за ебола, утре пристигнуваат резултатите
Утре попладне треба да стигнат резултатите од рефернтената лабораторија од Германија, по што ќе се знае од што починал британскиот државајнин...
Засега нема нови сомнтелени случаи. Колегата на Британцетот и другите во карантин немаат никави симтоми и се во добра здравствена состојба. Утре попладне треба да стигнат резултатите од рефернтената лабораторија од Германија, по што ќе се знае од што починал британскиот државајнин.
„Мала е веројатноста дека станува збор за ебола, но додека не ги добиеме резултатите, ќе бидеме претпазливи како да е ебола во прашање“, рече д-р Јованка Кстовска од министерството за здравство.
Според надлежните, добро е тоа што починатиот три дена по ред не излегувал од хотелот. Здравствените власти се на готовност. Ги следат препораките од Светската здравствена организација.
„Сега засега контактите се само од хотелот, и тоа не мал број на контакти, и ги имаме сите. За надвор немам податоци за контактите, но ако се потврди дека се работи за ебола, ќе мора да ги најдеме сите контакти“, рече д-р Јованка Кстовска од министерството за здравство.
Во хотелот во карантин се 25- мина. Со нив има медицински тим, лекар, сестра и епидемиолог за да им дадат медицинска помош ако е неопходна, да им ги објаснат симптомите на ебола. Инфективната клиника работи непречено, освен делот за карантин каде што има 10-тина лица кои биле во контакт со починатиот.
Наташа Јанчиќ