Македонската селекција пристигна во Украина

Задоволни по победата со пресврт над Луксембург, но и забележително исцрпени по напорните 90 минути, македонските фудбалери по 2 часовен лет пристигнаа во Лвов-Украина каде што в недела од 18 часот ќе го одиграат натпреварот од 3-тото коло од квалификациите за европското првенство во 2016-тата.

Поради повреди во Украина не допатуваа Агим Ибраими и Мухамед Демири, па селекторот Бошко Ѓуровски дополнително ги повика Аце Стојков и Горан Силјановски.

Украина можеби е фаворит , но ние нема што да загубиме е мислата со која нашите фудбалери се надеваат на нов добар настап и резултат.