Играчите треба да бидат искрени

„Ќе играат само 100 насто подготвените, затоа барам од играчите да бидат искрени, да кажат кој колку може и колку е подготвен за мечот со Украина“-вели селекторот на македонската фудбалска репрезентација Бошко Ѓуровски пред натпреварот од квалификациите за европското првенство против Украина во Лвов.

Според него двете селекции влегуваат со многу амбиции и самодоверба во претстојниот натпревар откако и Македонија и Украина славеа победи на претходните средби.„Украина е сериозен противник , ги респектираме, но ќе ја бараме нашата шанса“ додава Ѓуровски и натаму со проблеми поради повреди и замор на дел од играчите. Мојсов уште чувствува болки на вилицата, но вели е подготвен да го даде максимумот, Шиков и натаму има проблеми со повредата на коленото, а кон сето тоа се надоврза и отсуството на Демири и Ибраими.

Во таква ситуација можно е меѓу стартерите денеска да бидат Ивановски и Глигоров,но за разлика од натпреварот со Луксембург ,Ѓуровски  денеска ќе бара многу повнимателна игра од нашите фудбалери. КАко што вели, триото Јермоленко,Конопљанка и Зузула може да ја казни секоја наша грешка. Македонија ќе се обиде да наруши и една позитивна серија на Украинците. На сите досегашни натпревари што ги одиграле во Лвов не се поразени, а во одлична серија е и нивниот селектор Форменко кој откако е на украинската клупа има 12 победи, 2 реми и само 2 пораза.Но, бројките не играат. Мотивите , амбициите и самодовербата се присутни меѓу нашите фудбалери кои ветуваат максимум и добар резултат.

Натпреварот Украина –Македонија што ќе го води Делфериер од Белгија на Арена Лвов ќе почне во 18 часот , а 10-тина минути порано и преносот на првиот програмски сервис на МРТ.