Радикалниот екстремизам во фокус на традиционалниот форум „Кран Монтана“
Што треба да преземе регионот ако се има предвид дека многумина од балканските земји се дел од паравоените формации на Блискиот исток?
Како до посилна национална и глобална безбедност. Радикалниот екстремизам ја одреди точката за дебата на традиционалниот форум „Кран Монтана“ што годинава се одржува во Женева.
Претседателот на Република Македонија, Ѓорге Иванов, е учесник на сесијата за Балканот. Што треба да преземе регионот ако се има предвид дека многумина од балканските земји се дел од паравоените формации на Блискиот исток?
Ќе се слушнат и ставовите на црногорскиот шеф на државата, Филип Вујановиќ, на Бакир Изетбеговиќ од БиХ, како и на поранешниот албански премиер, Сали Бериша.
Шефот на Македонската држава во Берн се среќава и со негиовиот домаќин, претседателот на Швајцарската Конфедерација, Дидие Буркхалтер.
На агендата на претседателот Ѓорге Иванов е и состанок со Високиот комесар за човекови права на ОН, Ал Хусеин, како и средба со македонската дијаспора во Швајцарија.
Стојан Трпчевски, специјален дописник од Женева за МРТ