Четворица полицајци нападнати со секира во Њујорк

Без повод и без ништо да изјави 32-годишниот напаѓач Зале Томпсон со секира замавнал накај полицајците коишто стоеле на улица , при што го ранил 24-годишниот Џозеф Мајер во рака и 25-годишниот полицаец Кенет Хилеј во глава. Останатите двајца полицајци го застрелале напаѓачот, при што е ранета и една жена случаен минувач. Повредените полицајци биле новаци во полициска станица во Лонг Ајленд. Тие се пренесени во болница, а еден од нив ранетиот во глава е во критична но стабилна состојба. Повредената жена е во стабилна состојба. Напаѓачот имал брада, а во неговиот дом во Њујорк е пронајден лап топ со исламистички сајтови кои повикуваат на напади врз американски полицајци и војници. 

 

Уште еден случај на заболен од ебола во Соединетите Американски Држави. Лекарот Крег Спенсерод Њујорк којшто работел со организацијата „Лекари без граница„ и пред десет дена се вратил од Гвинеја, покажал симптоми и по тестовите во болница е утврдено дека дека се работи за вирусот на ебола. Во карантин е и девојката на лекарот, со која имал контакт откако се вратил во САД. Засега не е познато зошто лекарот не се изолирал по враќањето од Гвинеја.