Муарем со историски гол, Адеми со утешен

Македонскиот репрезентативец Муарем Муарем влезе во историјата на клупскиот фудбал на Азербејџан. Неговиот погодок во 21 минута на гостувањето во Киев против Дњипро му донесе три бода на Карабаг, кој е прв клуб од таа земја со победа во еден од европските фудбалски купови воопшто. По третото коло во “Ф “ групата тимот од Азербејџан се проби на втората позиција со 4 бода, три помалку од италијанскиот Интер.

Во натпреварите во Лига Европа за своите клубови синоќа настапија уште двајца македонски репрезентативци, од кои во листата на стрелците се запиша и Аријан Адеми со првиот од двата гола за Динамо Загреб кој загуби во Салцбург со 4 : 2. По ова коло хрватскиот клуб остана на 3 место во “Д“ групата со 3 бода, зад Салцбург и Селтик со по 7 бода. Третиот наш репрезентативец Бесарт Абдурахими загуби со Локерен на гостувањето во Трабзон со 2 : 0 по што белгискиот претставник котира на 3 позиција во “Л“ групата со 3 бода, три помалку од турскиот клуб.