Се поголем број верници одат во црквите во Куманово

Се поголем број верници ги посетуваат храмовите откако Куманово стана Епархија. Верниците доаѓаат пред се да го најдат својот духовен мир, да се помолат за здравје и благосостојба на своите најблиски, но и да, да поразговараат со свештениците и да си олеснат на душата како што велат тие.

„Се чувствувам  многу убаво кога ќе дојдам во црква и претпочитам да најдам време за духовниот живот.“

„Бидејќи живеам во странство, не сум меѓу својот народ, одењето во црква ми помага многу и ми дава еден душевен мир“, велат верниците.

Помладите обично во црквите одат за празниците , но и меѓу нив има кои редовно одат ,палат свеќи и слушаат богослужба.

„Одам со родителите за поглемоте пазници како што се Велигден и Божиќ.“

„Претпочитам да запалам свеќа, обично во среда, петок или недела,“ велат помладите верници.

Откако седиштето на Осоговско-Кумановската епархија е во Куманово црквата гради еден поинаков однос со верниците. Свештениците се достапни за нив во секое време, им помогаат да се вклопат во правилата и редот и да ги избегнуваат старите стереотипи како што се бакнувања на ѕидните икони, доаѓање во неприкладна облека во храмот, зборување за време на богослужба, а се претпочита и да се запази редот на десна страна да стојат мажи, а на лева жени.

„Ако сме задоцниле, а литургијата е во тек треба да застанеме на страна и да пречиме на никого. Не е во ред да одиме од икона на икона, да тропаме со парички притоа привлегувајќи го вниманието на себе, а одземајќи го вниманието на останатите верници кои слушаат богослужба“, вели отец Игор Здравковски од кумановско-осоговската епахија.

Инаку, во периодот од една година обновени се двете цркви во градот соборниот храм Свети Никола, седиштето на епархијата и црквата Света Троица , а наскоро се очекува и другите верски објекти да се реновираат.

Габриела Димковиќ