Агенцијата за промоција на туризмот добитник на меѓународна награда „За квалитет во туризмот“

Наградата која 20 години ја доделува организаторот на саемот-Туристичка призма, агенцијата ја доби поради унапредувањето и големиот исчекор на развојот на туризмот во Македонија и во Европа.

„Оваа година ја презентиравме Македонија како земја на сетила и тоа наиде на одзив кај нашите пријатели од Србија и така станавме дел од добитниците на оваа награда“, рече Насер Хот од Агенцијата за промоција на туризмот.

Оваа награда се доделува традиционално на туристички агенции, тур оператори, хотели и бањски центри од земјите во Југоисточна Европа, како признание за допринoс во туризмот. Покрај агенцијата, од Македонија признание доби и Тиквеш.

„Задоволство ни е што секогаш од Македонија имаме на кого да ја доделиме. Македонија е преубава земја, со големо срце, која се повеќе и се подобро се позиционира на туристичката мапа во Европа и во светот. Затоа и овојпат ги наградивме оние кои навистина тоа го заслужуваат,“  рече Ѓорѓе Миленковиќ, директор на Туристичка призма-Србија.

При доделување на наградите,беше укажано дека земјите од Балканот неoправдaно се запоставени на туристичките мапи и покрај тоа што секоја за себе изобилува со приридни богаства, со културна, историска и особено со гастрономска понуда.

Од Нови Сад за МТВ-Оливер Бранковиќ.