Службите за семејно планирање зајакнати со 20 нови едуцирани обучувачи

Во периодот од 24-26 октомври реномирани странски експерти од Источно европскиот институт за репродуктивно здравје, со поддршка од Фондот за население на Обединетите Нации (УНФПА), а во соработка со Министерството за здравство, Медицинскиот Факултет, Здружението на гинеколози и обстетричари на Македонија, ХЕРА, како и други релевантни институции, одржаа обука за 20 обучувачи од целата земја во областа на семејното планирање. 

Оваа активност е една од низата во областа на семејното планирање, како дел од Акцискиот план за намалување на матерналната, перинаталната и доенечката смртност за 2013-2014 на Владата на Република Македонија. Таа е насочена кон зајакнување на капацитетите на лекарите од примарната здравствена заштита - семејните лекари и патронажните служби, со цел подобрување на репродуктивното здравје.

Соња Стојановска