„Мал дисконтинуитет“ повторно со награда во Србија

Само 10 дена по наградата во Белград, „Мал Дисконтинуитет во Времепросторот“ на Гоце Цветановски повторно доби награда за најдобар регионален краток филм на 12-тиот фестивал Филмски Фронт во Нови Сад.

Приказната за фотографот кој има невидлив посетител во станот ја воодушеви српската публика и жирито, а глумечкиот тандем Висар Вишка-Драгана Левенска беше спореден со легендарните Марчело Мастројани и Софија Лорен.

Филмот викендов учествуваше и на Меѓународниот Филмски Фестивал во Хоф, Германија, а во ноември ќе биде прикажан во Тирана и во Њујорк.