Аеродромот Чанги во Сингапур- најдобар на светот

Аеродромот Чанги во Сингапур, повторно е прогласен за најдобар во светот. Ранглистата на „Скајтракс“ е креирана според мислењето на повеќе од 12 милиони патници, а биле вклучени вкупно 440 аеродроми.

Освен стандардната понуда, ова авио-пристаниште на патниците им нуди и базен на покривот, многу кино сали, хотели, спа центри.

Најдоброрангиран од европските е аеродромот во Минхен, кој е на третото место, Амстердам е петти, Цирих осми, а лондонскиот Хитроу е на десетото место.