Интегрирано образование: Ученици македонци и албанци заедно на воннаставни активности

Децата македонци и албанци од основното училиште „Братство Миѓени“ од Тетово повторно ќе се дружат. Откако се изгради новото училиште со години учат во одделни објекти.

Таму започна да работи училница за интегрирано образование според моделот на невладината Нансен дијалог центар.

„На некој начин да бидеме наставници кои нема да градиме ѕидови меѓу учениците туку мостови на културата“, вели Даниела Апостоловска – Наставник во ОУ „Братставо Миѓени“.

„Иако децата учат во едно училиште многу малку знаат едни за други. Преку овие активности албанците и македонците се дружат, соработуваат и дознаваат за другите. Така се разбиваат бариерите и предрасудите помеѓу национал“, рече Сихана Каба Касами – Наставник во ОУ „Братставо Миѓени“.

Со заедничките активности на учениците се очекува да се подобруваат односите меѓу различните етнички заедници.

„Истото се однесува и за родителите. За нив има посебна програма. Ќе се среќаваат меѓу себе. Тоа е основата за да одиме кон натамошна интеграција“, изјави Сашо Стојкоски – директор на Нансен Дијалог Центар.

Ресорниот министер Абдулаќим Адеми смета дека со интегрираното образование се имплементираат две важни компоненти од стратегијатра за образованието.

„Првата ги зближува децата од различни етнички заедници. Втората го промовира средното стручно училиште како атрактивно за идните ученици“, смета Абдулаќим Адеми, министер за образование.

Ваквиот модел на образование неколку години функционира во Средното земјоделско училиште „Моша Пијаде“. Со него, преку воннаставни активности, децата учат уште од рана возраст да се почитуваат и дружат без оглед на различната припадност.

Зоран Јованоски