Македонската историја- инспирација за опусот „Македониум“ на Васил Алачев

Со мотиви црпени од богатата македонска историја, 33-те слики дел од маркантниот опус на академскиот сликар Васил Алачев се изложени во домот на културата Антон Панов во Струмица.

Работени изминатите четири децении, опусот „Македониум“ оставаат ликовно-авторски печат на личностите и настаните со кои се пренесува македонското минато од колено на колено.

„Патот од минатото до сега да го врзам во една композиција и да направам слика која за генерациите ќе биде доказ кои сме биле, што сме сега и каде ќе одиме. Македонецот отсекогаш бил надарен од Бога да остане и во најтешките моменти кога бил во спреги и тортури што ги имал низ времето преку сопствената желба за опстанок и јас тоа да го насликам“, вели Васил Алачев, академски сликар.

Творештвото на Алачев претставува сублимат на историски теми преку кои е изразен неговиот личен ракопис.

„Македониум“ на Алачев ќе биде поставен  уште во неколку градови во Македонија. 

Катерина Давчева