Мечот на вечерта за Портланд, Хјустон останува 100%

Портланд се ревитализира по двата последователни пораза, во дуел со аспирантот за високи дострели сезонава. Треилблејзерс славеа против Кавалирс, 101:82, задржувајќи го Леброн Џејмс на само 11 поени. Лилард имаше свој ден со 27 поени, 6 скокови, 7 асистенции и 1 блокада за победничката екипа, а Кевин Лав беше најдобриот поединец кај Кливленд, со 22 поена, 10 скокови и 2 асистенции.

 

Џејмс Харден остана на еден скок до трипл-дабл, со 25 поени, 9 прифатени топки и 10 асистенции, зачинети со 1 украдена топка и две блокади. Двајт Хауард постигна 26 поени со 10 скокови. Тревор Ариза постигна 19 поени. Патрик Беверли уфрли 15. Хјустон славеше против Мајами, со 108:91, за 5 триумф во исто толку натпревари, 4 гостински, сите добиени со двоцифрена маргина. Во редовите на Хит, Крис Бош ја презема лидерската палка со 21 пшоен, 2 помалку имаше Вејд.

 

Уште еден пораз и уште една повреда за Оклахома, екипа што подолго време ќе биде без повредените лидери, Дјурант и Вестбрук. Крилото Пери Џонс е следното име на списокот отсатни за следните мечеви. Торонто го искористи моментот и победи со 100:88. Ибака ги предводеше поразените со 25 поени и со 11 скокови, Патерсон имаше 14 со 8 на спротивната страна.

 

 

ЛА Лејкерс – Феникс 106:112 (Брајант 39 поени, 9 скокови)

Њујорк – Вашингтон 83:98

Индијана – Милвоки 81:87

Чикаго – Орландо 98:90

Њу Орлеанс – Шарлот 100:91