Александар Ѓорѓиев добитник на наградата „Петре Прличко“ за 2014-та

Наградата за актерско животно дело „Петре Прличко“ годинава ја доби Александар Ѓорѓиев, првиот дипломиран актер од Велес.

Ѓорѓиев досега остварил голем број улоги, а повеќе години беше на чело на Велешкиот театар.

„Името кое што го носи наградата е на мојот драг колега и близок пријател Петре Прличко со којшто поминавме многу убави денови, заедно сме играле во претстави и тој режирал претстави и морам да признам дека многу работи научив од него“, потенцира Ѓорѓиев.

Наградата „Петре Прличко“ доаѓа во годината кога Александар Ѓорѓиев заминува во пензија.