До 100 илјади евра поддршка за земјоделските задруги
Сите земјоделски задруги впишани во регистарот на Министерството можат да ги достават своите поднесоци до Агенцијата за финансиска поддршка на земјоделството и руралниот развој...
До 100 илјади евра поддршка од државната каса за земјоделските задруги да ги покријат трошоците за функционирање. Сите земјоделски задруги впишани во регистарот на Министерството за земјодеслство, шумарство и водостопанство можат да ги достават своите поднесоци до Агенцијата за финансиска поддршка на земјоделството и руралниот развој.
Како што потенцира порпаролот на владата, Александар Ѓорѓиев, тие треба да приложат определена документација, финансиски документи со кои ги потврдуваат направените трошоци, а по единица земјоделска заедница можат да се добијат до 6 милиони денари.
Во рамките на оваа помош која што тие може да ја добијат од страна на државата, тие може да претендираат за да добијат средства кои што ги имаат како издаотоци направено во процесот на основање, воспоставување на самата задруга или во процесот на самата дејност спроведувана во рамките на 2014-та година, нагласи Ѓоргиев.