Бугарија доби нова Влада
За изборот на Владата на Борисов гласаа 144 пратеници, 83 беа против, а еден се воздржа од гласање. За избор на Владата беа потребни најмалку 121 глас...
Бојко Борисов по втор пат седна во премиерската фотеља. По тричасовни, на моменти прилично жолчни дебати, по три последователни гласња, Парламентот на Бугарија го избра Бојко Борисов за премиер на земјата и го поддржа новиот кабинет.
За изборот на Владата на Борисов гласаа 144 пратеници, 83 беа против, а еден се воздржа од гласање. За избор на Владата беа потребни најмалку 121 глас.
Во Владата има четири заменици на Борисов - Румјана Бачварова задолежна за коалициска политика и државна администрација, Меглена Кунева за европска политика и институционална прашања, Томислав Дончев за еврофондовите и економска политика и Ивајло Калфин, кој е вице-премиер за демографска и социјална политика и министер за труд и социјална политика.
Нов шеф на бугарската диплоамтија е Даниел Митов, министер за одбрана е Николај Нечев, за внатрешни работи Веселин Вучков, за финансии Владислав Горабов и за економија Божидар Лукарски.
Христо Иванов е нов бугарски министер за правда, Теменужка Петкова за енергетика, Николина Ангелкова за туризам, Десислава Танева за земјоделство и Ивелина Василева за животна средина и води.
Министер за регионален развој и урбанизам е Лилјана Павлова, за транспорт, инфромациски технологии и комуникации - Ивајло Московски, за здравство - Петар Москов, за образование Тодор Танев, за култура Вежди Рашидов и за млади и спорт Красен Кралев.