Се зголемува бројот на италијански инвестиции во Македонија

Ќе се зголеми бројот на италијански инвеститори во земјава. На Технохозе и Виатек друштво ќе им прават уште три компании. Ги прават завршните анализи и се пред финална одлука да инвестираат во отворање бизнис во Македонија. Амбасадорот Ернесто Белели, од оправдани причини, не ги открива нивните имиња, но уверува дека влегуваат во три различни сектори и за првпат во прехранбената индустрија.

„Што се однесува до трите фирми, не можам поради доверливост на податоците да ги кажам нивните имиња. Но, ќе кажам дека една од нив е од земјоделскиот сектор, втората е од секторот индустрија, а третата е од информатичката технологија“, изјави италијанскиот абжмбасадор, Ернесто Масимо Белели.

Италијанските инвеститори најмногу се интересираат за вложувања во малите хидроцентрали, обновливите извори на енергија, инфраструктурата, земјоделството и заштитата на животната средина. Двете стопански комори работат на проект во кој се вклучени институтите за тутун од Прилеп и од Неапол.

„Да се разгледа можноста за производство на био- дизел гориво од “, потврдува Наташа Димеска-Стојаноска, од Стопанска комора на Македонија.

Италија е петти надворешно- трговски партнер на земјава, а размената за девет месеци надминала 584 милиони долари. Извозот е скоро 250 милиони и бележи зголемување за 22 процента. Расте и увозот, но со побавно темпо.

Македонските производи се добро познати во Италија, вели Белели. Особено јагнешкото месо и лешниците, печурките. Амбасадорот најави отворање италијанска кредитна линија наменета за малитеи за средните фирми и порача дека услов за поголема трговија и инвестиции е завршувањето на Коридорот 8, преку кој би се насочила и размената на Италија со Бугарија и Романија.

Свето Николовски