Попоски: Грција нема интерес за решение

Шефот на дипломатијата Никола Попоски ја прокоментира последната рунда разговори за разликите околу името со јужниот сосед. Македонија посакува зголемена динамика и дијалог на повисоко ниво, но нема  интерес од другата страна, вели Попоски.

Останува проценката што ја имаме веќе во повеќе наврати констатирано и што е оценка која ја споделуваат и сите надворешни фактори дека во овој момент не постои посебна желба и мотивираност кај нашиот соговорник за придвижување особено со оглед на внатрешно политичките предизвици и приоритети што ги имаат. Од наша страна имаме желба, имаме мотив да го надминеме овој проблем што е единствениот проблем и единствената пречка да ги почнеме преговорите со ЕУ, како што и самата Европска Ккомисија има констатирано и воедно е главната и единствената пречка зошто Македонија не е земја членка на НАТО алијансата, истакна Попоски по пуштањето во употреба на повеќенаменско спортско игралиште во основно училиште „7-ми Март“ во Челопек.