„Мадам Батерфлај“ во сабота на сцената на МОБ

Во сабота со почеток во 20 часот, во Македонската опера и балет ќе биде изведена најновата продукција на оперската претстава „Мадам Батерфлај“ на Џакомо Пучини.

 

Во претставата, улогата на Чо Чо Сан (Мадам Батерфлај), ќе ја толкува првенката Весна Ѓиновска-Илкова, а во останатите улоги ќе настапат: Зоран Сотиров, Марјан Јованоски,  Марика Поповиќ, Дејан Стоев,  Невен Силјановски, Игор Гиновски, Николина Јаневска и др.

 

Диригент e Бисера Чaдловска.

 

„Мадам Батерфлај“ доаѓа на репертоарот на МОБ по пауза од неколку години, соопштуваат од МОБ.