Се продава државно земјиште за стопански објекти во Пехчево и Кривогаштани

Државно градежно земјиште во општина Кривогаштани наменето за изградба на стопански објекти ќе се продава по пат на електронско наддавање.

 

Огласот е објавен од страна на Министерството за транспорт и врски, а станува збор за осум локации. Градежните парцели се со површина од 1.497 до 3.664 метри квадратни. 

 

Почетната цена на јавното наддавање е 61 денар од метар квадратен, а пријавите за учество треба да се достават најдоцна до 4 декември годинава.

 

Право да учествуваат имаат домашни и странски физички лица и домашни и странски компании.

 

Јавните наддавања ќе се одржат на 11 декември на интернет-страницата www.gradezno-zemjiste.mk, а текстот од јавната објава може да се прочита на интернет-страницата на Министерството за транспорт и врски -www.mtc.gov.mk.

 

Министерството за транспорт и врски распиша објава за отуѓување  на државно градежно неизградено земјиште наменето за изградба на откупен пункт за земјоделски производи во местото викано Подуево, во општина Пехчево Станува збор за пет градежни парцели со површина од 891 до 5.973 метри квадратни.

 

Почетната цена на јавното наддавање изнесува 61 денар од метар квадратен, а пријавите за учество може да се достават најдоцна до 26 ноември годинава.

 

Право на учество имаат домашни и странски правни и физички лица, а електронските јавни наддавања ќе се одржат на 3 декември годинава на интернет-страницата www.gradezno-zemjiste.mk.

 

Предмет на електронското јавно наддавање е градежно неизградено земјиште, сопственост на Република Македонија, предвидено со АУП:Откупен пункт за земјоделски производи м.в. Подуево, донесен со решение број 09-1395/2 од 02.09.2013 година со намена за изградба на Г2 – лесна индустрија, со компатибилни класи на намена Б1, Б2, В2, Г3 и Г4.

 

Целосниот текст на јавнaтa објавa може да се прочита на интернет-страницата на Министерството за транспорт и врски - www.mtc.gov.mk.