Руско ембарго за македонски производи?

Москва се сомнева дека Македонија ја злоупотребува руското ембарго за европски прехрамбени производи, објавуваат тамошни медиуми. Откако е зголемен извозот на компири и јаболка од Македонија на рускиот пазар, се проверува дали некои од овие производи се препакувале во земјава и продолжувале за Русија.

Македонското МНР потврди дека претставник на нашата амбасада во Москва добил листа на продукти за кои руската фитосанитарна инспекција побарала проверка. Македонската агенција за храна и ветеринарство ќе треба да даде одговор во рок од една недела со потврда дали производите се од македонско потекло.