Список има селектор нема

Ракометната федерација на Македонија објави список на 20 ракометарки, кои ќе конкурираат за место во репрезентацијата за двомечот со Исланд во квалификациите за СП 2015.

Собирот е закажан за 27 ноември во Скопје, но кој ќе ја предводи селекцијата сеуште не е познато. Селекторското место е празно откако Ристо Магдинчев по двата неочекувани порази од Италија доби отказ.

Помошникот на Магдинчев, Благоја Весиќ до РФМ доставил имиња на 18 кандидатки и 2 резерви, со 9 репрезентативки од Металург, 7 интернационалки во Турција, Грција, Унгарија и Романија и 4 ракометарки од Вардар.

Деновиве е најавено именување на наследникот на Магдинчев, зашто првиот дуел со  Исланд се игра на трети декември во Рејкјавик а реваншот е седум дена подоцна.

За да го освоиме првото место кое единствено води во мундијалскиот бараж, потребни ни се две победи над Исланд и два пораза на Италијанките од островјанките.

Список на повикани ракометарки,

ГОЛМАНИ

1. Антиќ Наташа ЖРК МЕТАЛУРГ
2. Петкoвска Драгана ЖРК ВАРДАР СЦБТ
3. Зафирoва Ивана БУРСА ГКС-ТУРЦИЈА
 

КРИЛА
4. Саздoвска Јована ЖРК МЕТАЛУРГ
5. Митрoва Драгица ЖРК МЕТАЛУРГ
6. Ристoвска Сара ЖРК МЕТАЛУРГ
 

БЕКОВИ
7. Јoванoвска Дајана ЖРК МЕТАЛУРГ
8. Керамитчиева Теoдoра ЖРК ВАРДАР
9. Белеска Андреа ЖРК МЕТАЛУРГ
10. Ѓорѓиевска Душица МУРАТ ПАША БЕЛ -ТУРЦИЈА
11. Гроздановска Симона ПАОК САЛОНИКА- ГРЦИЈА
12. Десподовска Зорица МУРАТ ПАША БЕЛ-ТУРЦИЈА
13. Штериова Марија РК ИПРЕС ВАЦ- УНГАРИЈА
14. Ѓорѓиевска Елена РК БАЈА МАРЕ-РОМАНИЈА
15. Стојановска Симона ЖРК ВАРДАР СЦБТ

ПИКЕРИ
16. Мечевска Робертина РК АНКАРА 1910 – ТУРЦИЈА
17. Николиќ Марија ЖРК МЕТАЛУРГ
18. Гакидова Ивана ЖРК ВАРДАР СЦБТ

РЕЗЕРВИ
Ливриниќ Елена ЖРК МЕТАЛУРГ
Николовска Симона ЖРК МЕТАЛУРГ