Предизвикана голема материјална штета од поплавите во Куманово
Поројниот дожд предизвика зголемување на нивото на реките. Како по правило, први настрадаа жителите на Куманово, чии куќи ги поплавија водите на реките Којнарка и Липковка. Предизвикана е голема материјална штета, но за среќа нема жртви...
Кал, тиња, лоша ареа... Поплавени домови, уништени домаќинства... Најпогодена е населбата Средорек .
За само два часа реката Липковка ги загрози имотите на жителите од околните куќи.
Овде жителите мака мачат поради катастрофата предизвикана од надојдените води на Липковка и Коњарка.
„Часот беше два ипол кога се случи ова, кога најдоде водата, не знаевме каде да одиме со мали дечиња... избегавме надвор.“
„Зимницата што ја чував, дрвата за огрев, сѐ е поплавено... катастрофа. Купатилото долу, дворот е полавен, сега како што гледате се повлекува водата“, велат жителите чии куќи настрадаа од надојдената вода.
Но, не се оставени сами на себе. Дирекцијата за заштита и спасување интервенираше со испумпување на водата. Се превенираше. Илјади вреќи песок се поставени на критичните точки ама и насекаде пред домовите.
„Сега за сега е под контрола, ние сме на лице место, имаме уште вреќи со песок обезбедени, подготвени сме да реагираме и се надеваме дека нема да дојде повторно до излевање на реката Липковка“, изјави Драган Димковиќ, раководител на подрачната единица Куманово при Дирекцијата за заштита и спасување.
Проблемот на жителите на Куманово им се повторува, велат особено поради изложеноста помеѓу двете реки сѐ до слевањето во Кумановка.
„Секоја година се соочуваме со исти проблеми, мислам дека надлежните и општината треба преземат мерки да го отстранат овој проблем“, вели жител на Куманово.
Водата е повлечена ама кумановчени не ќе можат да преспијат во своите домови. Повеќето од нив ќе заминат кај роднините за да се засолнат додека не се средат состојбите.
Фиљана Кока