Љубовта меѓу „Старата дама“ и Буфон продолжува

Џиџи Буфон потпиша нов тригодишен договор со Јувентус. Во славниот торински клуб тој ќе остане до својот 39-ти роденден. Најдобриот италијански голман љубовта со „Старата Дама“ ја започна во 2001-та година, врската ќе потрае до 2017-та.

„Сакам да продолжам да настапувам на високо ниво. Респектот, кој го има клубот кон мене ме прави горд поради изборот, кој го направив во изминатите 14 години.“-изјави Буфон.

Буфон, освои пет титули во дресот на Јувентус во Серија А. Има и уште две титули, кои на Јуве му беа одземени како дел од скандалот во 2006 година, поради  местење на натпревари. Тој е рекордер во италијанската репрезентација со 146 настапи.