За дополнителната работа во Словенија граѓаните задолжително ќе си плаќаат пензиско и здравствено осигурување

За дополнителната работа како чување деца, домашни мајстории, изработка на сувенири, берење и продажба на шумски плодови и лековити билки, словенците од 1 јануари следната година  ќе плаќаат и придонеси, за коишто досега  не биле обврзани.

Најголемата годишна заработувачка ќе им биде 6.000 евра наместо досегашните 9.150 евра.

Ова е новиот правилник на словенечката влада донесен за да спречи работа на црно. 9.000 граѓани во Словенија имаат пријавено дополнителна дејност, но се смета дека има многу повеќе непријавени што заработуваат на црно.

Сите кои што работат било каква дополнителна дејност, без разлика на својот статус ќе мора да плаќаат по 9 евра за ваучер во Државната агенцијата за јавни податоци (АЈПЕС).

7 евра се наменети за пензиско, а 2 за здравствено осигурување, а секој уплатен вачер ќе се смета за еден стаж.