МО: Нема пропусти во безбедносните проверки кај професионалниот војник Манаилов

Нема пропусти во службата за стражарско обезбедување и безбедносните проверки кај професионалниот војник Манаилов, кој го изврши тројното убиство во Злетово, Пробиштип, велат од Министерството за одбрана и Генералштабот.

Сите претходни психофизички и невролошки тестови биле уредни. Министерството и Армијата имале сознанија за кривичната пријава, и осум месеци, во период јули 2013 до февруари 2014 не бил распоредуван на должност стражарско обезбедување.

Лекари од воено- медицинскиот центар, при неговиот прием во 2000 година не констатирале никакво нарушување на неговата психофизичка состојба.

Во 2012 бил во мировната мисија ИСАФ, и должностите ги извршувал  професионално.

Наскоро се очекува, формираната комисија да излезе со конечен извештај.