Како се прославува во европската престолнина?!

Како се прославува во европската престолнина?!

Бриселци, како и најголемиот број  туристи, Новата година ќе ја пречекаат токму  тука, на Гранд плац- еден од најубавите плоштади во светот, кој поради својата 10-вековна историја и грандиозните градби се наоѓа под заштита на УНЕСКО како дел од светското културно наследство.

На плоштадот се наоѓа и новогодишната елка, која граѓаните ја украсуваат со  ѕвездичките на кои претходно ги запишуваат своите желби. А на желбите им нема крај.

-Моја лична желба е да имам прекрасна венчавка. Ние треба да се венчаме следната година.

Среќа , тоа е се.

Сакам да ги посетам моите родители во Украина

-  Претпоставувам . нова работа. Тоа би било супер

-  Сакам да имаме добар живот, сите луѓе да се заедно. Среќна Нова година на сите... на децата и на сите луѓе на планетава.

Освен личните желби,  бриселци посакаа мир во светот и повеќе пари за сите.

-Да излеземе од економската криза.

- Mир и љубов за сите.

Освен на гранд Плац, Новата година ќе се прославува и на плоштадот Де Бруке и на Монт де Арт од каде што ќе почне и традиционалниот новогодишен огномет. Интересно е што оваа година во Брисел ќе се одржи и најголемиот техно жур во Европа. Љубителите на оваа музика ќе имаат можност да ја проследат изведбата на 70-сетина светски познати групи и ди-џеи на дури осум локации во градот. Големиот часовник поставен на плоштадот Де Бруке во изминативе 5 дена  ги одбројува последните часови од оваа година.

Марина Тонева, наш постојан дописник од Брисел