Студентски желби за 2014

Наместо лампиони , на студенсстката  елка се закачени новогодишни желби. Ја красеа студентите од Филозофски факултет. Напишаа -  подобри услови во студентските домови , помала партиципација, повеќе дестки  и положени испити.  Магдалена и Кристина се најконкретни.  „Очекувам во 2014-та секој студент што е апсолвент и кој е во завршната година и ќе си ја пронајдат среќата и работодавците ќе ги отворат вратите за нас“,изјави  Кристина Јовановска, студент. „Се запишав на вториот циклус и се надевам на подобрување на работите и побрзо  наоѓање на работа“ изјави Деспина Столеска, студент. Во годината која изминува многумина од студентите  го вложија сиот свој труд. Поминаа голем број часови во студентските библиотеки ,  амфитеатри и на кампусот . Оние со кои разговаравме велат дека догодина не се откажуваат од своите цели и иднината ја гледаат во Македонија .  „Нашиот живот е полн со предизвици и со падови , секој човек треба да се бори и ние како студенти и како движечка сила мора да успееме по секоја цена“, изјави Кристина Јовановска, студент . На универзитетот Кирил и Методиј во Скопје се испреплетуваат различни судбини. Желбите не се нови, ги имаат генереации и генерации студенти. Што значи некои работи тешко се менуваат. Надлежните за догодина ветија дека ќе почнат да ги модернизираат старите  и  да градат нови студентски домови. Низа проекти за подобрување на животниот стандард веќе се во програмата на Министерството за образование.

Викторија Тодоровска