По бод за Вардар и за Работнички!

По дваесет дуели и седум години, Вардар и Работнички одиграа натпревар без голови. 0:0, со динамични седумдесет минути, но без многу вистински шанси. Сепак, незадоволни не,а. Затоа што вардарци ќе презимат како лидери, додека романтичарите со серијата од осум триумфи и едно реми, најавија возбудлива шампионска прволигашка пролет.

Во 17-то коло, Шкендија му фрли петарда на Пелистер и ја оствари најубедливата победа во меѓусебните дуели. 5:0 во креација на Вручина, Зеба, Кировски и на двојниот стрелец Имери. Кризата без победа на битолчани трае два ипол месеци и десет натпревари. Последен пат пелистерци го совладаа Тетекс во седмото коло во септември. Отогаш имаат по пет нерешени и порази и гол разлика 1:10.  

Конечно, Тетекс ја оствари првата победа и тоа на гости кај Металург со 2:0 со головите на Алвес и на Христов.

Брегалница и Силекс одиграа 1:1, откако гостите водеа со погодокот на Мариќ, а домашната екипа израмни со голот на Здравков. Мрежите мируваа во дуелот Турново – Ренова.

До крајот на фудбалска 2014-та, в сабота ќе се одиграат уште реванш четвртфиналните натпревари од купот, додека првенството ќе продолжи на први март наредната година со последното коло од вториот дел. 

Резултати - 17 коло:

Вардар - Работнички            0:0

Шкендија - Пелистер            5:0

Металург - Тетекс                 0:2

Брегалница - Силекс            1:1

Турново - Ренова                  0:0

Табела:

1. Вардар                    38

2. Работнички            35

3. Шкендија               30

4. Силекс                    25

5. Металург                24

6. Ренова                    23

7. Турново                  21

8. Пелистер                18

9. Брегалница            13

10. Тетекс                    6