Попоски ќе се обрати пред Комитетот за надворешна политика на ЕП

Министерот за надворешни работи Никола Попоски денеска во Брисел на покана на претседавачот со Комитетот за надворешна политика во Европскиот парламент Елмар Брок, ќе се обрати пред членовите на ЕП и пратеници од националните парламенти на земјите членки на ЕУ и министрите за надворешни работи на шесте земји од Западен Балкан.

 

На состанокот се очекува да се разменат ставови и гледишта на членовите на Комитетот и министрите за надворешни работи околу политиката на проширување на Европската унија.