Премиерот Груевски ќе се сретне со заменик-претседателката на Виетнам

Премиерот Никола Груевски денеска ќе оствари средба со заменик претседателот на Социјалистичката Република Виетнам, Нгујен Ти Доан, која престојува во посета на Македонија.

 

По средбата најавено е потпишување на Договорот за економска соработка меѓу двете држави. Договорот ќе го потпишат македонскиот министер за економија Беким Незири и заменик министерот за индустрија и трговија на Виетнам, До Танг Хаи.

 

Предвидено е и потпишување на Спогодба за укинување визи за носителите на дипломатските и службените патни исправи. Од македонска страна спогодбата ќе ја потпише заменик-министерката за надворешни работи Драгана Кипријановска и нејзиниот колега Ву Хонг Нам од Виетнам.