Македонија и Виетнам потпишаа Договор за економска соработка

Премиерот Никола Груевски денеска се сретна со заменик претседателот на Социјалистичка Република Виетнам Нгујен Ти Доан.

 

На средбата, како што соопшти владината прес-служба, била дадена позитивна оценка за билатералните односи кои се развиваат во духот на почитувањето, а се разговарало за можностите за унапредување на соработката меѓу двете земји.

 

Особен акцент беше ставен на унапредувањето на економската соработка, за што од големо значење е и денешното потпишување на Договорот за економска соработка помеѓу двете земји, кои заедно со претходно потпишаните Договор за избегнување на заемното оданочување и Договорот за заштита на инвестициите, даваат правна основа за интензивирање на односите на економски план, се вели во соопштението.

 

На средбата се разговарало и за соработката во областа на образованието, при што била разгледана и позитивно оценета можноста за размена на студенти и стипендирање на студенти од двете земји за студирање на универзитетите од двете земји.