Од јануари- минимална плата од 9.590 денари

Компаниите ја прифатија обврската за исплата на К15, од јануари работодавачите ќе мора да исплаќаат и минимална плата од  9.590 денари, а од 2016-та година, 10.080 денари. Претприемачите кои стекнале искуство во странство, научиле дека законите мора да се спроведуваат.

Марина Анчевска е сновач и управител на центарот за бизнис психологија. Седумнаесет годишното знаење од Холандија го пренесува во Македонија.

„Законите мора да се почитуваат, тоа е прво и основно, некој што ќе се зафати со претпруемаштво се знае дека си има и други обрвски“, вели Марина Анчевска, основач и управител на Центарот за бизнис психологија.

Лидија Таскова пак, 15 години води центар за странски јазици и компјутерски курсеви, како и обука за развој на деловни вештини.

„К15 исплативме уште во септември, се трудиме сите обврски да ги испочитуваме за да можат не само вработените, туку и соработниците да се чувствуваат сигурно кога работат со нас“, изјави Таскова- Попова.

Младата генерација претприемачи смета дека дисциплината и долседноста се клучни во работењето.

„Основен клуч да ги избалансирам овие работи навремено, за да може да ги испроцесирам сите плаќања, приливи и одливи, е да се дисперзира портфорлиото на повеќе критериуми, првенствено на големи и мали клиенти и второстепено на основни носечки бизниси кои ќе го задоволат тој тек“, смета Љупка Наумовска, основач на маркетинг и ПР агнеција.

Со добра статистика и добар бизнис план можат да се изменаџираат работите и да се има благ, но сигурен прогрес, вели Наумовска.

Добар план ќе им треба и на претпримечите во текстилната и во кожарската индустрија, бидејќи од 1 јануари  2015-та ќе мора да исплаќаат минимална плата од 8.050 денари, а за три години минималната плата во овие дејности треба да изнесува 10.080 денари.

Наташа Јанчиќ