Нови вработувања: Владата ја засилува администрацијата
Заинтересираните кандидати ќе полагаат државен испит, со најуспешните ќе се прави интервју и врз основа на овие резултати заедно со резултатите од образованието, Комисијата за селекција ќе објави ранг-листа на најдобрите кои ќе почнат со работа...
Нови вработувања за малцинските групи. Владата на оглас бара 194 државни службеници, млади кадри без работно искуство кои во рок од пет дена ќе треба да ги достават апликациите.
Заинтересираните кандидати ќе полагаат државен испит, со најуспешните ќе се прави интервју и врз основа на овие резултати заедно со резултатите од образованието, Комисијата за селекција ќе објави ранг-листа на најдобрите кои ќе почнат со работа.
„Со овој оглас предвидено е да се излезе во пресрет на помалите етнички заедници согласно принципите на Рамковниот договор“, изјави премиерот Никола Груевски.
Со нови вработувања ќе се засилува и итната медицинска мрежа. Над стотина медицински лица ќе ги пополнат испразнетите места низ целата земја.
„Ќе се вработат 181 лице- лекари, медицински сестри и возачи“, додаде премиерот Груевски.
Вработувања ќе има и за децата без родители. Месецов се очекува да излезе оглас преку кој 15 со средно и 15 со високо образование ќе добијат работа.
Во рок од две години, вкупно 83 деца од оваа категорија биле вработени.
Катерина Топалова