Лазаров најдобар десен бек во светот

Во изборот на реномираниот ракометен портал „Хандбал планет“, капитенот на нашата ракометна репрезентација Кирил Лазаров е избран за најдобар десен бек во светот за годината што останува зад нас.

Во гласањето на спортски новинари и навивачи, Лазаров освоил безмалку двојно повеќе гласови од Марко Вујин и Ласло Наѓ.

Најмногу гласови во изборот на идеален тим освоил Никола Карабатиќ, а место меѓу најдобрите 7 имало и за Ландин, Сигурдсон, Абало, Хансен, Агинагалде, додека Карлсон е избран за најдобар одбранбен играч.