Денвер не ја запре Атланта

Македонскиот интернационалец одигра речиси 15 минути против Денвер и придонесе со седум поени, шест скока и со една асистенција. Триумфот со 96-84 значи дека Атланта уште повеќе го притисна водечкиот Торонто, кој е на чело во конференцијата со ефект 15-5. На составот на Антиќ му одговараше и поразот на Вашингтон на гости кај Бостон со 101-93, по што екипата од главниот град има идентино остварување како Атланта 13-6. На западот на врвот е Голден Стејт, кој на 19 меча досега прертпе само два пораза. Зад него е Мемфис откако се врати на победнички патеки по двете загубени средби во низа. „Гризлите“ ноќеска се радуваа дома против Мајами со 103-87. Лојер постигна 20 поени, а одлично го надополнија Ли и Рендолф со по 17.

Со Кевин Дурант во тимот на Оклахома и оди полесно, па синоќа „громот“ удри во Детроит. Неговите 28-те коша беа клучни за победата на Оклахома со 96-94. Детроит, пак, ќе чека некоја друга шанса за да ја запре губитничката низа од 12 натпревари. Ритам нема и Њујорк, па против Портланд не можеше ништо да стори за да го попречи осмиот пораз едноподруго. На семафорот во „Медисон сквер гарден“ стоеше 103-99 за Портланд, кој го дели третото место во западната конференција со идентичен биланс како Хјустон и Сан Антонио. Блиску е и Далас со оглед дека го совлада Мивоки со 125-102 и ја прослави 16-тата победа во 22-от сезонски натпревар.

***

НБА ЛИГА:

Атланта – Денвер  96-84

Мемфис - Мајами 103-87

Детроит - Оклахома 94-96

Бостон - Вашингтон 101-93.

Њујорк – Портланд  99-103

Далас - Милвоки 125-102