MЗТ Скопје покажа карактер, но победата над Левски е скапо платена

Десет минути максимален ритам во завршниот период беа потребни негативата во синоќешниот мечсо бугарскиот првак од 19 разлика  во третиот период,да се претвори во двоцифрена победа од 72 : 61. Побледото полувреме приодот кон играта се смени по одморот, екипата покажа карактер и висок морал штоа резултира во завршната четвртина која МЗТ Скопје ја доби со 31 : 7. Творецот на пресвртот ги прифаќа критиките дека играчите премногу комотно влегоа во натпреварот

„Првата четвртина почнавме конфузно и во нападот и во одбраната, што се одрази во нападот каде што тешко погодувавме и губевме. За разлика од тоа во второто полувреме одигравме многу подобро, особено во одбраната и дојдовме до оваа победа“ - изјави Марко Симоновски, кошаркар на МЗТ Скопје Аеродром.

Натпреварот со Левски уште еднаш потврди дека слаби противници нема и дека бодовите никогаш не се однапред запишани, за што е согласен тренерот Митев.

„Играчите влегоа во натпреварот по онаа народната ‘ќе биде лесно’. Во најголем дел не го применуваа тоа што го работевме на тренинзите во последните денови и затоа губевме со 14 поени на полувреме. Вотретата четвртина уште бевме во грч и во негатива, но кога ја средивме енергијата на противникот тогаш успеавме да го добиеме мечот. Имаме потенцијал, се надевам дека ќе продолжиме со победи, некој пат добри некој па лоши. Според мене, подобро е да победуваме со лоша игра, отколку да губиме со добра“–изјави Боби Митев, тренерот на МЗТ Скопје Аеродром.

Сепак победата е скапо платена, со тешката повреда на Дамјан Стојановски за кого поради скинат преден вкрстен лигамент сезоната е завршена. По 4 победа во 11 натпревар МЗТ Скопје е на 10 позиција, зад квартетот екипи со по бод повеќе меѓу кои е и минатогодишниот шампион Цибона, во пресрет на гостувањето во Загреб следната недела со почеток од 17 часот.