Во Франкфурт презентирани можностите за инвестирање во Македонија

Триесетина германски компании присуствуваа на претставувањето на можностите за инвестирање на Македонија во Франкфурт. 

Германска компанија, која произведува автомобилски делови, е пред донесување финална одлука за инвестирање во земјава, најави премиерот Никола Груевски.

„Ние сме влада која е целосно фокусирана на економијата, на добра бизнис клима, на охрабрувањето на домашните и на странските инвеститори да преземат нови чекори, да инвестираат и да отвораат нови работни места, бидејќи невработеноста е нашиот втор најголем предизивк, по решавањето на спорот со Грција за членството во ЕУ и во НАТО. Кога дојдовме на власт во 2006-та, невработеноста беше многу голема- 38%, сеуште е висока, но се намали за 10% во период на тешка економска криза“, изјави премиерот Никола Груевски.

Роуд шоуто во Германија е во организација на престижниот „Фајненшел Тајмс“.