„Ноќен жерав“ во петок на сцената на МОБ

Во петок  со почеток во 20 часот, во Македонската опера и балет ќе биде изведена премиерата на јапонската оперска претстава „Ноќен жерав“ од Икума Дан.

Премиерата на оваа јапонско национално дело, обработува јапонска традиционална бајка. Во претставата ќе настапат солистите: Нобуко Такахаши, Мотохару Аојаги, Јуки Такахаши, Шигеки Мине.  Режисер е Кацухиро Котецу, а диригент Мазахико Окочи.

Учествува оркестарот на Македонската опера и балет и детскиот хор „Пиколо“ на ДМБУЦ „Илија Николовски-Луј“, под раководство на Весна Димчевска.

Во недела, претставата „Ноќен жерав“ ќе гостува во Центарот за култура во Битола.