Четворица илегалци од Сирија откриени кај Демир Капија

Четворица сириски државјани се пронајдени во автомобил кој сообраќал на патниот правец Гевгелија - Скопје, во близина на Демир Капија, соопшти МВР.

Полицијата вчера попладнето запрела возило „Мерцедес вито“ управувано од страна на жител на село Количари, Градско.

Сириските државјани кои влегле илегално во Македонија и возачот се приведени во полициската станица Неготино.

Од МВР велат дека се преземаат мерки за расчистување на случајот.