Сточарите кои претрпеа штети од болеста „син јазик“ ќе се обештетат

Владата ќе ги обешети сточарите со претрпени штети од болеста „син јазик“.

Покрај редовната субвенција од 1.000 денари за обележани овци и кози и 700 за задржано женско јагне или јаре, сточарите ќе добиваат и по дополнителни 4.000 денари доколку задржат женски подмладок наместо угинатите животни.

Владата ќе врши обештетување и за секоја угината крава од оваа болеста, а износот ќе биде согласно староста на говедото, но не повеќе од 30.000 денари.

Крајниот рок за почеток на исплатата на овие средства според календарот е во 2015 година.

Методија Трајков