Белгија блокирана од општ штрајк

Сообраќајот во Белгија е во целосен колапс. Запрени се возовите и авионите, кон 24-часовниот општ штрајк на синдикатите се приклучуваат и возачите на автобусите, трамваите и метрото, не работат училиштата, фабриките и фирмите.

Нема летови и од аеродромите во Лиеж, Антверпен и Остенде, а Евростар од Лондон до Брисел ќе вози само до границата со Белгија.

Белгијците се незадоволни поради владините мерки за штедење и зголемувањето на возрасната граница за пензионирање.